Мустақиллик йилларида Ўзбекистон бадиий фильмлар ишлаб чиқариш бўиича Марказий Осиёда етакчи ўринга чиқди. Ҳар йили экранларга чиқарилаётган олтмишдан зиёд фильмларнинг 10-15 таси давлат буюртмаси асосида ишланса, қолган 50 дан ортиҳи нодавлат (хусусий) киностудиялар ҳиссасита тўғри келади. Шу далилнинг ўзиёқ юртимизда кино саноати тез суръатда ривожланаётганидан далолат беради. Айниқса, сўнгги йилларда яратилган «Ўтов», «Чашма», «Ватан», «18 квадрат», «Ойдиной» каби филмларимизнинг турли давлатларда ўтган нуфузли халқаро танловларда эътироф этилиши киноижодкорларимиз меҳнатига берилган.
КИНОРЕЖИССУРА:
ЮТУҚ ВА МУАММОЛАР
юксак баҳодир. Бундай картиналар орасида хусусий киностудияларнинг маҳсулотлари борлиги ҳам эътиборга лойиқ.
Бироқ хусусий киностудиялар фильмларининг аксарияти профессионал кино талаблари даражасида эмас. Дунёда кечаётган глобаллашув жараёни натижасида «оммавий маданият»нинг турли воситалар, жумладан, кино санъати орқали кириб келаётгани бу ҳолат асосан хусусий студиялар фильмларида кўзга ташланаётгани ғоятда ачинарли.
Бу жиҳатларга «Ўзбеккино» Миллий агентлиги қошидаги бадиий кенгаш ва идоралараро экспертлар гуруҳи аъзолари, нодавлат киностудиялар раҳбарлари, режиссёрлар, киноижодкорлар ҳамда ОАВ ходимлари иштирокида бўлиб ўтган давра суҳбатида атрофлича тўхталиб ўтилди. Давра суҳбатида "оммавий маданият"нинг ёш авлод онгига кўрсатаётган салбий таъсири хусусий киностудияларнинг махсулотлари мисолида тахлил қилинди.
Агентлик бош директори Аъзам Исҳоков бошқарган мазкур тадбирда экспертлар гурухи раиси, кинорежиссёр Жаҳонгар Қосимов, киношунослар Хамидулла Акбаров, Саодат Хўжаева, кинорежиссёр Мэлс Абзалов, журналистлар Кавсар Турдиева, Шухрат Насимов, Гулчехра Умарова ва бошқалар сўзга чиқиб, ўз фикр-мулохазалари билан ўртоқлашдилар. Йиғлишда фильм олишга даъвогар юридик шахслар, хусусан, режиссёрлар махсус лицензияларга эга бўлиши лозимлиги ҳақидаги масала ҳам кўриб чиқилди.
